Ein prat med Kristina Svinvik avslører at det denne veka er ledige bord både torsdag og laurdag. Det har slett ikkje vore vanleg kost etter at vi starta opp i fjor sommar, men no er det da eigentleg «dautid» og da skulle det da berre mangle, legg Kristina til.
Kristina fortel at det enno er nokre kveldar med ledige bord framover mot påske, men reknar med at det fylles opp etter kvart. – Påskeveka, frå måndag til måndag – har vi forresten stengt, legg ho til. Har du planer om å ta turen hit før påske, så ta gjerne direkte kontakt på telefon – eller du kan bruke bookingsida. I palmehelga er det enno ledige plassar, reklamerer Kristina.
Elles fortel Kristina at dei forlengst er i gang med booking til sommaren. – Sommaren er nok høgsesong her, og det lønner seg å være tidleg ute dersom du har spesielle dagar eller arrangement som er planlagt, seier Kristina Svinvik på Svinvik Gard.
Svinvik Gard er medlem i Todalen.no