Artig med «hockeykveld»

I kveld inviterte Barne- og ungdomsgruppa i Todalen Idrettslag til «hockeykveld» på Bordholmen stadion. Mange frå den «yngre garde» møtte opp for å spele ishockey på ein nypreparert og fin ishockeybane. 

Sjølv om gradestokken viste plussgrader, så var det ein kald trekk på Bordholmen i kveld, men dette såg det ikkje ut til at spelarane la spesielt merke til, da det var full innsats heile tida, men somme av tilskodarane hakka kanskje litt tenner før bålpanna tok til å varme skikkeleg?

Etter ei økt på godt over ein time, med full innsats, servert Barne- og ungdomsgruppa grilla pølser i brød og saft, og sidan det var plussgrader, så vart det is til dessert! 

Da får vi sjå om det blir forhold for å starte opp med «barn i løypa» neste tysdag, eller om det blir ishockey da også? Ishockeybanen er ein populær plass, der dei unge møtes også når det ikkje er organisert aktivitet der, så den blir mykje bruka så lenge det er is der.