«Torsdag kveld var det årsmøte i Todalen bøgdalag. 10 medlemmer møtte opp for vere med på årsmøtet, som forutan vanlege årsmøtesaker, hadde ei innkomma sak på saklista.
Årsmeldinga for bøgdalaget viste at aktiviteten har vore på det jamne. Bøgdalaget har hatt si tradisjonelle julegate, to quiz-kveldar, rydda vegkantane til 17-mai og vore med Todalen Elveeigarlag i styringsgruppa for camping i Todalen.
Rekneskapen viser eit underskot på rundt tjue tusen kroner, og skriv seg i si heilheit frå at bøgdalaget i fjor haust kjøpte ei hytte som skal nyttast på campingen.
Det var ei innkomma sak på saklista, og den var det styret som hadde meldt inn. Saka var evaluering av el-sykkelutleiga, ei sak årsmøtet i 2024 påla styret å evaluere før årsmøtet 2025. Årsmøtet vedtok at el-syklane i 2025 skal plasserast i overskuret ved Todalen skule.
Siste post på saklista var val av styre, og styret for 2025 ser etter årsmøtet slik ut:
- Leiar: Svein Håvard Brøndbo, valt for 1 år.
- Nestleiar: Frikk Talgø, valt for 2 år.
- Sekretær: Jo Gjeldnes, valt for 1 år.
- Kasserar: Kjetil Sogge, valt for 2 år.
- Ingrid Pedersen, ikkje på val.
- 1. vara: Bjørn Gunnar Ansnes, valt for 1 år.
- 2. vara: Ola Haugen Ansnes, valt for 1 år.
- Revisor: Finn Ranes, valt for 2 år.
- Valkomite: Jan Bruset, ikkje på val og Ola Dalsegg, valt for 2 år.
Etter årsmøtet vart det servert kaffe og sjokoladekake.