Onsdag 29. januar hadde Pensjonistforbundet Surnadal årsmøte i lokala til Surnadal frivilligsentral i Fiskegården på Skei. Godt over 40 av forbundet sine medlemmar møtte opp. Det var ordinære årsmøtesaker som stod på dagsorden denne onsdagen, samt orientering om at Surnadal Pensjonistlag no har skifta namn til Pensjonistforbundet Surnadal.
Kari Synnøve Moen og Torunn Nordvik er trufaste støttespelarar. Foto: Anne-Sissel U. Mogstad.
Valkomitéen hadde gjort eit grundig arbeid før årsmøtet, så valet gjekk både fort og greitt. Etter årsmøtet i Pensjonistforbundet Surnadal, ser styret slik ut: Bitten Ranes, Brage Einum, Wenche Ø. Kvendset, Ragnhild Vorum, Odd Asbjørn Bævre og Anne-Sissel U. Mogstad. Vararepresentantar: Jan Gausen, Brynhild Tjelle og Eva Jorid Svendsen.
Bitten Ranes delte ut blomster som takk for innsatsen i forskjellige grupper/komitéar. Frå venstre: Bitten Ranes, Brynhild og Svein Tjelle (Stavganggruppa), Kristian Ranes (Fjellgruppa) og Magnus Kristian Bævre (valkomitéen). Foto: Anne-Sissel U. Mogstad.