I går var det som kjent Halloween, og på Nordvik vart feiringa av Halloween i år lagt til Snytå. Alle ungane på Nordvik var invitert til feiringa, og rundt tjue ungar tok turen opp til Snytå. I tillegg var det ein del vaksne som også vart med på feiringa.
Grilling av pølser på bål. Foto: Karin Åsbø
Alle køyrde opp til parkeringa, der ein går opp til Snytå. Derifrå tek det om lag ti minutt å gå oppover lia til Snytå. Lia oppover til Snytå, var for anledninga, pynta med flammar på kubbar, graskar og andre skumle skapningar hengande frå trea.
Trollsk stemning under Halloweenfeiringa. Foto: Karin Åsbø
Framme på plassen vart det servert pølser grilla på bål, popcorn, bålkaffe og sjølvsagt godteri. Etterpå var det mørkegjøymsel.
Kreativ utkledning og sminking. Foto: Karin Åsbø
Det vart ein triveleg kveld og ei rin feiring av Halloween, for både store og små!
Stien opp til snytå var dekorert med både graskar og skumle figurar hengande frå trea. Foto: Karin Åsbø