Vi har på følinga at den politiske aktiviteten aukar dag for dag no, etter kvart som våren kjem og sommaren nærmar seg. Arbeiderpartiet samla sine listekandidatar i Brusetmarka tysdag kveld – først for fotografering hos StudioSaksen, og etterpå til samling på Gammelfabrikken. Der var det temakveld – først med orientering om Talgøkonsernet i fortid, notid og framtid og etterpå ein interessant gjennomgang av interessant fylkesstatistikk.
Denne delen av underhaldninga var det konsernsjef Terje Talgø og Mons Otnes som stod for – sikkert mykje informasjon som etter kvart kan bli nyttig både i valkampen og seinare for mange. Mons Otnes var tidlegare på dagen valt til kampanjeleiar for årets valkamp. Lilly Gunn Nyheim sakna vi, men ho var i Oslo og snakka varmt for Nordmøre og Surnadal om politireformen.
Tidlegare i vinter «fridde» til dei politiske partia om å tegne medlemskap i Todalen.no, og lokka med at vi skal ta ein runde med kvart av partia for å presentere programma dei har for valkampen. Fleire parti har «meldt seg på», og så snart programma er klare kjem vi nok på banen med partia i tur og orden.