ALTI Forvaltning inngår samarbeid med Vestnes Brygge

I ei felles pressemelding frå ALTI Forvaltning og Malme AS, blir det kunngjort at ALTI Forvaltning og Malme AS inngår avtale om utvikling og forvaltning av Vestnes Brygge. Vestnes Brygge ligg sentralt plassert i Vestnes, midt mellom Molde og Ålesund. Vestnes har eit kompakt sentrum med mange butikkar i gåavstand. Vegg i vegg med senteret ligg Sport!, Europris og Bunnpris, forutan fleire leilegheitskompleks, treningssenter og båthamn. Avtalen som er inngått tredde i kraft 1.mars, altså frå i går. 

Vestnes Brygge opna døreni i 1988. Dei siste 30 åra har senteres vore gjennom fleire utvidingar, og det siste byggetrinnet stod ferdig i 2011, eit flott glassbygg over gågata i sentrum som blir kalla Bryggetorget. Bryggetorget fungerer i dag som ein marknadsplass for lokale mat- og husflidsprodusentar, og er eit samlingspunkt for ulike aktivitetar og arrangement.

Senteret er på 7500 kvadratmeter. Det er 23 leigetakarar innan handel, frisør, helse og velvære, forutan forskjellege servicebedrifter. Heile pressemeldinga frå ALTI Forvaltning og Malme AS kan du lese ved å trykke på lenka: Pressemelding Vestnes Brygge