Prest, konfirmanter og organist tok dei frammøtte igjennom ei hyggelig lysmesse i Todalen kyrkje i dag. Det var seniorprest Cathrine Grutle fra Tingvoll som leia messa, med god hjelp fra dyktige konfirmanter som sto for all tekstlesing og lystenning undervegs.
Grutle er omreisande vikar i Indre Nordmøre prosti, og får oppdrag når dei faste prestane rundt om i prostiet har fri eller er sjuke.
Maren Mikkelsen Karlsen tenner dei to første lysa i adventsstaken. Saman med Martin Kvande-Talgø og Ingebrigt Bergli er dette vårens kommande konfirmanter.
Ingebrigt Bergli les undervegs i messa, og tenner dei sju lysa i den 7. arma lysestaken.
På programmet var det også dåp. Vesle Ellie Talgø-Jakobsen kvila godt i armene til tante Anikken Talgø under heile seansen fra start til slutt.
Vesle Ellie tok det heile med knusande ro under heile lysmessa.
Dåpsbarnet får også eige dåpslys med seg på vegen. Prest Cathrine får god hjelp til å tenne dette for Ellie.
Dagens preken handla om å famle i mørkret, og prest Cathrine losa dei frammøtte igjennom den i ei mørklagt kyrkje. Ho var for mange eit ukjent ansikt, men vil nok bli hugsa for si folkelege romslegheit i kyrkjerommet.
Siste post på programmet var utdeling av biblar til dei frammøtte 5. klassingene.
5. klassingene Sivert, Emil, Markus og Nicole fekk bibel av soknerådet.
Dagens organist var Johanne Bjørkhaug fra Rindal. Ho fekk fram julestemninga med si nydelige avslutning fra «Tre nøtter til Askepott» som postludium. Soknerådet inviterte til ein enkel kyrkjekaffe for dei som hadde lyst til å setje seg ned og ta ein ekstra pust i førjulsstria.