No har soknerådet haustprogrammet for Todalen kyrkje klart. Dei har sett opp plan fram til nyttår, og det er planlagt 8 gudstenester i denne perioden. I tillegg er det planlagt konfirmasjonsfest, der 50-årskonfirmantane er bedne. Det skjer 14. oktober i Todalen ungdomshus.
Av andre aktivitetar kan vi nemne at neste års konfirmantar blir presentert under gudstenesta søndag 17. september og det blir utdeling av 4- og 6-årsbok under familiegudstenesta 26. november. Vi kan også nemne at det blir hausttakkefest søndag 15. oktober. Den første gudstenesta etter ferien blir komande søndag 20. august kl 11, der det er offer til Misjonsprosjektet.
Nedafor har vi lagt ut ei liste med plan over aktivitetane i 2. halvår 2017 – desse aktivitetane kjem også inn i vår aktivitetskalender.
