Komande søndag går «Søndagsturen» til trimposten Roparen ovafor Surnadalsøra, og med sightsing på Øra og i Øralia. Det er ein flott tur der du blir belønna med flott utsikt over nedre Surnadal når du kjem opp til Roparen. Det er oppmøte og parkering ved «Cafe Corner» – brufestet til gamle Ørabrua, og start kl 12.
Turnavn: Neste søndagstur går til Roparen med sightseeing på Øra og i Øralia.
Tursted: Roparen, Surnadal
Oppmøtested: Ved brufestet til den gamle Ørabrua (Kafe Corner) på Surnadalsøra kl. 12.00
Dato og tidspunkt: Søndag 28. juni klokka 12.00.
Turinfo:
Vi går opp Bedehusbakken opp til Løftaberget og Åsbødammen. Derifrå austover til Spikvegen og vidare til Roparen der vi tek rast og nyt den flotte utsikten over nedre del av Surnadal og Surnadalsfjorden. Ta med mat og drikke! Derifrå går vi attende til Øra over Svenskeberga. Vi kjem ned til riksvegen ved leikeplassen til den gamle Øraskulen. Herifrå går vi gjennom Øra til utgangspunktet for turen.
Turen går på traktorveg og sti. Stigning ca. 120 m. Bratt sti på nokre plassar.
Med på turen som kjentmenn og guide kjem Svein Tjelle som representant frå Surnadalsøra velforening.
Utstyr å ha med: Kle deg etter forholda.
Kontaktperson: Surnadalsøra velforening ved Svein Tjelle – Tlf.: 480 36 801 (71661305)