Stavganggruppa er forlengst i gang med sine utflukter, og det er utruleg bra deltaking på turane dei legg opp. Sist torsdag (30.4.) var turen lagt til Halset i Todalen, og vi har fått bilder og litt info frå Reidar Østvik, som fortel at det var 23 deltakarar som hadde ein fin dag saman i førsteklasses turvêr.
Ein lang og sosial kaffepause høyrer sjølvsagt med. Foto: Reidar Østvik
Han fortel at dei fekk med Anders Halset som omvisar og lokalekspert, og det vart ein interessant og bra tur som gruppa var godt nøgd med. Og sjølvsagt vart det tid til ein skikkeleg kaffepause med triveleg prat attåt. Neste torsdag – 7. mai – er det vandring langs elva Søya som står på stavgangprogrammet.