Soknerådet minner om at det er tradisjonell friluftsgudsteneste på Haugligardane 2. påskedag kl 12. Dei teks sjølvsagt vêrforbehald, men yr.no lovar i si vêrmelding at det skal bli brukbart vêr og temperatur på rundt 10 grader. Etter gudstenesta serverer Todalen ILs trimgruppe pølser og saft til alle. Seinare på dagen er det duka til stor finale og bronsefinale i sjakkturneringa som har pågått på Matkroken utover vinteren. Det foregår i Todalen ungdomshus, og startar kl 16.00. Alle er velkomne til begge arrangementa.
