NM i Randonee har i helga pågått i Lillehammer, og i dag var det full spenning under NM i sprint der både Erik Kårvatn og Aron Rodal Haugen hamna på pallen – på henholdsvis 2. og 3. plass.
Erik hamna på 2. plass i dagens NM-sprint. Skjermdump frå NRK
Det skjedde slett ikkje utan dramatikk, der Aron Rodal Haugen var best i 1. heat i kvartfinalen og Erik Kårvatn i kvartfinalens 3. heat hamna på 3.-plass. Dermed gikk begge vidare til semifinalen, der Aron hamna på 2.-plass i 1. heat og Erik på 3.-plass i 2. heat – dermed vart begge med vidare til finalen. Alså var det stor spenning framfor dagens finaleheat som også inneheldt sterke namn som Klette, Lødøen, Engdal og Holen.
Aron hamna på 3.-plass i dagens finale. Skjermdump frå NRK.
Finalen endte med Hans Erik Klette på førsteplass, medan Erik kom på andreplass og Aron på tredjeplass – vidare kom Lødøen på 4., Engdal på 5. og Holen på 6. I dameklassen var det Malin Indergård som «tok alt» både i semifinalen og i finalen, medan Ingrid Klokset kom på andreplass. Ida Waldal, som var favoritt i dag, var sjuk og meldte forfall i dag.
Finaleheatet – med 2 Trollheimskarra på pallplass. Skjermdump frå NRK