Gytebestandsmålet blir nådd med glans i Toåa denne sesongen, seier Ola Bruset, som er eleiar i Todalen elveeigarlag. Frå sesongstart 15. juni og fram til 10. juli er det teke 86 laks og 42 sjøaure i Toåa denne sesongen. Til same tid i fjor var tala 32 laks og 34 sjøaure. I år har det vore eit eventyrleg fiske og fin fiskarelv med god vassføring det meste av den første halvdel av sesongen.
Ola Bruset og Svein Gustad i Brusethølen. Arkivfoto: Jon Olav Ørsal
I Toåa er det teke på land 354 kg laks i år, og det gir ei gjennomsnittsvekt på 4,1 kg hittil i sesongen. Det er teke 14 laks under 3 kg, 68 mellomlaks i størrelsen 3 til 7 kg og 1 laks som har vore over 7 kg. I år som i fjor er det mellomlaksen i størrelse 3-7 kg som har dominert, medan storlaksen (over 7 kg) har vore fråverande.
Det er gledeleg at det har vore så godt laksefiske i år, seier Ola Bruset, som har forventningar til meir storlaks neste år når det no som årets sesong har vore så bra for den mellomstore laksen.
Les også om laksefisket på Todalen elveeigarlags nettside http://todalslaks.no/