Svinviks arboret – godt å være i gang med ny sommersesong

Sjølv om vi ikkje akkurat kan seia at det bugnar med blomster i Svinviks arboret enno, så er iallfall rododendronblomstringa i gang til opninga i dag. Sjølv om det er lunt og godt i arboretet er nok våren litt på etterskot enno i år, men med fleire fine sommardagar så skjer ting fort i arboretet no.

I arboretet finns det rundt 400 forskjellige slag med rododendron, og nokre av dei er alt komne i blomstring. Denne vinteren har forresten vore litt spesiell, fortel fagleg ansvarleg Katarina Wedelsbäck Bladh. Uvanleg lang og kald vinter, med tørke og frost så seint som i mars har ført til skade på ein del rododendron både i arboretet og i private hagar i området. Dette har og ført til at rododendron er litt seint ut med blomstringa, men no er dei tidlegaste sortane komne i gang.

Dagleg leiar i Svinviks arboret fortel at dei alt første dagen får besøk av den første gruppa som skal ha omvising i arboretet, og det strøyma på med folk utover første opningsdagen. Hektisk var det også i kafeteriaen der Hilde Staveli Solli og Sara Forslund skal råde grunnen i sommar. Her var den første eplekaka kome ut frå steikeomnen, og klar for servering til kaffetørste gjestar på besøk i arboretet.

Maja fortel at dei arboretet har mykje å by på i sommar, da det skal være konsert i samband med Vårsøghelga. Dei kan også by på ny informasjonsbrosjyre om arboretet som er i trykken og som får premiere i løpet av neste veke.