Førstkomande laurdag og søndag blir det storarrangement i Svinviks arboret. Det er Hageselskapet i Møre og Romsdal står som arrangør, og ved arboretet er vi vertskap for det vi håpar blir ei storhelg for alle hageinteresserte i distriktet og heile fylket, skriv Dordi Kjersti Mogstad i ein e-post til Todalen.no.
Det blir foredrag, mykje spennande plantesalg både frå arboretet sitt eige utsal, samt 3 ulike tilreisande og mulegheiter for hagevandring både i arboretet og i fleire privathagar i området. Svinviks arboret kafe stiller med servering av god kaffe, kaker og lunsj til både langveisfarande og kortreiste gjestar.
Alt program foregår innafor opninstida til arboretet, kl. 12-17 begge dagar. Hovudbasen for arrangementet er Svinviks arboret, medan foredraga er lagt til Nordvik grendehus.