Todalen bodybyggjarlag har så smått byrja å røre på seg etter ein aktiv sykkelsommar. Dei har no trekt innomhus, og Hett & Svett var i kveld godt oppfylt av ivrige karar som slo eit slag for trening og trivsel. For det skal seiast, dei er veldig trivselsfokuserte. Treninga blir nesten som ein bonus å regne. I alle fall denne kvelden, for då feira dei oppstart av ny sesong med kaffe og blautkake i første pause!
Terje Nordvik er litt, kanskje mest, primus motor. Han var storveies imponert over oppmøtet, for dei var beæra med to spreke turnarar frå Nøtterøy i første økt.
Sunniva Renault og Belinda Todalshaug benytta seg av treningsfasilitetane på Hett & Svett i haustferien. Dei var litt over snittet spreke, og kunne fortelje at dei faktisk dreiv med turn til vanleg.
Lars Kvendset og Terje Nordvik med litt lettare øvelsar.
Medan Torkjel A Moe kanskje tok på i overkant mykje vekt etter som det var første oppstartskveld.Knut er litt meir moderat med kiloa.
Karane hadde og fått med seg Fitsum Tekkab som i sommar kom flyttande frå Rindal til Todalen. Han jobbar til dagleg på Talgø, og kunne fortelje at han trivdes godt både på jobb og på fritida i Todalen.
Sunniva og Belinda hadde nok mest kontroll på treningsbiten denne gongen, men karane oppfordra fleire til å bli med neste mandag klokka 18.30.
Da blir det mindre kos, og meir trening. Trudde dei.