Torsdag kveld var ein liten gjeng oppmøtt for å planere grusen etter graving og oppgrusing av turstien ved Oddøyhølen i retning Halsabrua. Og med den effektive gjengen, vart siste ankomne dugnadsdeltakar for sein til å delta. Nils Ove Bruset fortel at dugnadsarbeidet i 2019 no er ferdig.
-No blir resten av prosjektet gjort på nyåret og så snart det blir bart igjen. I allefall det som har med bygging av gapahuken å gjere. Vi har etter oppmoding justert plasseringa av gapahuken litt, slik trafikkflyten i rundt blir betre.
Det som står att av arbeid er:
- Toppdekke på turvegen frå Bønnavollen-Båthølen
- Tilrettelegging av ny tomt til gapahuk i Båhhølen
- Støyping av fundament og bygging av gapahuk, samt rampe for fiskeplass
- Rydding av litt skog/kratt frå Båthølen og nedover
- Tilrettelegging og finjustering av sti frå Båthølen-Gunnøya-Oddøyhølen-Halsabrua
- Skilting
- Lage trivelege møteplassar
Knut og Marit tek «nyå tå» stien som nesten er farbar heile vegen på sykkel.
Hugs gjerne på å skrive navnet i trimboka i Gunnøya, slik at Idrettslaget ser kor stor trafikk som er på stien framover.