Foto: Jo Gjeldnes
Hopp under nyhetssakene

Sissibu blir ny til påske

Jon Olav Ørsal Måndag 13. januar 2014

Elisabeth Aas og Per Hølaas gler seg til å flytte inn i ny hytte til påske. Det var i si tid Frank og Dagreid Aas som bygde hytta Sissibu, som ligg ved vegen i Sissigrenda. No er det neste generasjon som er eigarar og brukarar, og Elisabeth og Per har bruka hytta mykje i sammarhalvåret og er nok mesta for todalingar å rekne. Da dei skulle renovere hytta i fjor haust oppdaga dei at det var til dels store råteskader på bygget.

I november vart gammelhytta revet, og tomta gjort klar for ny hytte.   Foto: Jon Olav Ørsal

I november vart gammelhytta revet, og tomta gjort klar for ny hytte. Foto: Jon Olav Ørsal

Dei bestemte seg difor for å rive den gamle hytta, og i staden bygge nytt. Etter at sesongen var over i slutten av november gjorde Per Gjeldnes Maskin kort prosess på gammelhytta, og fylte opp tomta litt med tanke på nybygg.  Seinare har snekkarane førebudd nybygg, og har gjort klart til støyping av ringmur og såle. Dette vil skje så snart det blir mildvêr igjen.

Gunnar&Lars_8115

Gunnar og Lars skal sørge for at det blir ny hytte til påske. Foto: Jon Olav Ørsal

Nybygget er det Gunnar Nordvik og Lars Kvendset som er entreprenørar for, og plana er at «nye» Sissibu skal være klar til bruk i påskeferien. Dei har nok merka seg datoen 13. april, som er palmesøndag i år, og sein påske kan kanskje kome godt med for å få alt arbeidet unna?

Klart_Sissibu_8113

Fredag var alt klart til støyping, men måndag var det 15 kuldegrader, så det litt bli litt mildare før ein startar med betongarbeid. Foto: Jon Olav Ørsal

 

Publisert: 13. januar 2014, 21:57