Om Todalen.no

Historikk

Todalen.no vart oppstarta seinsommars 2009 som eit utspring av bygdemobiliseringsprosjektet Godt mot Todalen.

I anledning dette prosjektet vart det oppretta ei synlegheitsgruppe som arbeidde mot det mål å profilera Todalen på ein best mogleg måte. Grunntanken var at vi skulle famne både dei som budde i Todalen, og dei som var utflytta eller andre todalspatriotar. Vi starta i det små, og med den målsetting at vi forma sida etter kvart som tida gjekk.

På etterjulsvinteren i 2010 fekk vi danna eit styre for todalen.no for å kunne registrerast som ein organisasjon i Brønnøysundregisteret. Då byrja og neste steg i utviklinga, å få inn kapital til drifta, som til då hadde vore dugnadsbasert.

Per i dag er vi tre med redaksjonelt ansvar; Elinor Bolme, Jon Olav Ørsal, og Ole Petter Talgø, som og er teknisk ansvarleg. Ellers sitt Jo Gjeldnes, nestleiar, Sondre Halset, styreleiar, og Mari B. Redalen i styret.