Rullator er ein lur ting! Jenny og Kitty kviler på rullatorane sine, medan Ingrid er klar til å gå. Foto: Dordi JH
Måndag 28. mai var det tid for årets første RUSLETUR, og riktig mange møtte opp for å vere med på trim med kaffelag i godt turver.
Turen var lagt til anlegget til idrettslaget oppå Tjønnmyrå. Dette er ein perfekt plass for rusletur der gapahuken er flott å ha som base. Kvar og ein kan få godt turfølgje og rusle rundt i passande tempo etter flate vegen eller ta med bakkane. Dei sprekaste kan ta heile runden på 1,6 km. I tillegg er Tjønnmyrane litt utanom allfarveg slik at det blir ein retteleg tur.
Nesten alle som var med på turen i dag. Her er gjengen samla framfor den flotte gapahuken. Foto: Dordi J H
Ved kaffebordet vart det samla 29 personar; kanelsnurrar, graut og bakels gjekk ned på høgkant. Triveleg prat og gode skrøner rundt borda.
Her er det skikkeleg langbord! Foto: Dordi J H
Neste måndag melder Sanitetsforeninga at det er vanleg kløvertur, da er turmålet Vorphaugen. Men om 14 dagar blir det ny rusletur, muligens i området på Kårvatn.
Karar i godt driv. Frå venstre: Eivind, Nils, Svein og Hans. Foto: Dordi J H
Rusta til å ta ut på tur. Frå venstre Gro, Grete, Ingeborg, Marit og Sigrun. Foto: Dordi J H
Triveleg med kaffelag. Foto: Dordi J H
Riktig fint turområde. Fremst Karen Johanne og Synnøve. Foto: Dordi J H