Laurdag kl 11 går startskotet for randonee-NM ved Strengen med Todalen Idrettslag som arrangør. Det var egentleg duka for stor NM-helg på Kårvatn, men snømangel sette ein effektiv stoppar for det. I Strengen-området er det meir snø slik at NM-konkurransen kan avviklast, medan resten av rennøvelsane går ut. Rennledar Nils Ove Bruset fortel at det er fine forhold i Strengen, og det blir nok kamp om medaljene.
Han fortel vidare at påmeldingsfristen går ut ved midnatt, og reknar med mellom 20-30 deltakarar. Det er til no påmeldt deltakarar i 4 klassar, og han har kjente namn som Ola Berger, Ola Hovdenak, Robert Sørli samt Tronvoll-brødrene på lista si. Lokalt vil Halvor Drøpping være med og kjempe om medaljene.
Bruset håpar det kjem ein solid heiagjeng til Strengen laurdag. Det er fine vêrmeldingar og fine tilhøve for publikum. Han oppfordrar folk til å nytte denne finvêrsdagen til ein luftetur opp i sola ved Strengen. Kjør til skiarenaen på Vang og start derfrå, så er det ein halvtimes tur i behageleg tempo til startområdet. Det går godt an å ta turen til fots, men han anbefaler å ta med ski, seier Bruset. Etter løpet blir det seremoni med premieutdeling ved sekretariatet ved skiarenaen på Vang.