Adventskonserten i Todalen kyrkje laurdag ettermiddag (7.12. kl 16) byr på Dagsviks kantate «I denne søte juletid», solosong, korperler og allsong. Tittelen «Ved juletid» siktar mot klingande forsmak på den komande høgtida.
Med «I denne søte juletid» ber songarane fram høgtidsbodskapen i vakre tekster og minst like vakre tonar. Det startar med blomstrande lovnader om ei ny tid og med englebodskap til Maria og gjetarane. Etter ein munter marsj «til Betlehem» samlast alle rundt krybba med «Et lite barn så lystelig». Det enkelt dramatiserte syngespelet i kyrkjerommet samlar det essensielle i julehøgtida – og munnar ut i tittelmelodiens frydefulle glede.
Solistar er Øystein Moe, Nora Vetleseter Bøe og Sigrid Vetleseter Bøe. Aktørar elles er Todalskoret, Åsskard Kyrkjekor og kantor Tor Strand.
Kora syng også annan kjend og kjær julemusikk. Sigrid er dessutan solist i høgtidsmusikk av 200-årsjubilant Giuseppe Verdi. Last ned plakaten her.
Solist Tor Strand
Solist Øystein Moe
Solist Sigrid Vetlesæter.Bøe