Kulturkveld i regi av ungane.
Onsdag kveld var foreldre, besteforeldre og ellers andre interesserte inviterte til kulturkveld ved Todalen Oppvekstsenter. Som seg hør og bør ved ei retteleg kunstutstilling var det snorklipping av elevrådsformann Stian Nordvik Bruset og servering av sprudlande drikke frå høge glas.
Her hadde alle elevane vore med å laga til ei måleriutstilling, samstundes som dei hadde sett opp ei utstilling av gamle og nyare ting. Ei kulturminneutstilling som dei kalla det. Ungane hadde teke med seg ulike eldre og nyare ting og skreve litt om det.
Â
- Kulturminnet som Erik Kårvatn hadde med seg. Flyet var for øvrig laga av bestefar Erik Kårvatn den gong han gjekk på Todalen skule.
Måleriutstillinga var eit resultat av at skulen hadde hatt besøk av Elisabeth Aas gjennom heildagsprosjektet. Ho hadde vist dei ulike teknikkar innafor måling og trykk.
Ellers fekk dei frammøtte og litt underhaldning av ungane gjennom nokre innøvde songnummer før det vart kaffe og noko å bite i.
Mykje gamalt å sjå på som ungane hadde laga utstilling av
