På laurdag var dugnadsgjengen som har tatt på seg oppdraget med å lage storliv rundt Dalahaugen under kommande helgs randoneerenn på «stadion» for å forberede alskens aktiviteter for gammal og ung. Og aktivitet blir det i massevis kan dugnadssjef Ragnar Halle fortelje. Under laurdagens dugnadsøkt vart det blant anna laga to hoppar, slalomløype og to ulike trassear for minirandonee.
For ikkje å komme i vegen for hovedrennet som har fellesstart klokka 12 oppfordrar arrangørane at publikum og deltakarar til Dalahaugen Open dukkar opp til ca 11.30. -Da får ein parkert bilen og rekk å få med seg spurten opp frå målområdet av norgescuprennet, før Dalahaugen Open blir igangsett når startområdet blir ledig igjen, fortel Ragnar.
Fine forhold til hoppbakkebygging.
Laila Bergli og Ola Dalsegg verkar for å ha arrangert hopprenn før.. Hoppen ligg rett ved målområdet til hovedrennet.
Hopp, slalom og minirando. Her kan både store og små leike seg på timesvis til helga! Randoløypa er delt inn ei kort og ei litt lengre, der alle kjem i mål på samme plass som dei proffe utøvarane.
Første prøvehoppar ut; Ådne Gjeldnes kvalitetssikrar hoppen, og kjem nok til å stille til start til helga også. Og da med både premiar og diplomar til alle små.
Hopptrappar Gjeldnes gler seg til yrande skileik kommande helg. Og likar du ikkje å hoppe kan ein tur i akebakken vere eit alternativ.
I målområdet vil det bli kiosksalg med både kaffe, bakels og pølser med brød. Ta gjerne med sitjeunderlag så skal vi lage fine benkar rundt om i løypa oppfordrar Ragnar, som håper at både bygdefolket og andre tek turen opp til Kårvatn laurdag. -Til og med vêret blir perfekt lovar han!
Foto: Anders Gjeldnes og Laila Bergli