Foto: Jo Gjeldnes
Hopp under nyhetssakene

Kårvatn Sky Run 2019 er i gang – oppdatert

Jon Olav Ørsal Laurdag 24. august 2019

Så gikk startskotet for Kårvatn Sky Run – dermed er dei 41 løparane på veg frå Kårvatn og opp den bratte lia til Storfjellet. Deltakarane starta friskt ut for å posisjonere seg på den første biten av traseen går etter vegen.

På veg ut frå start. Foto: Jon Olav Ørsal

Håvard Gjeldnes bruka i overkant av 33 minutt opp til Storfjellet, men vi må vel rekne med at deltakarane på Kårvatn Sky Run vil posjonere ut kreftene litt meir forsiktig – men fort går det nok lell.

Arrangøren reknar med at det går +/- 4 timar på turen via Grinaren, Slanglifjellet og til Tovatna og gjennom Gammelseterdalen til målgang på Kårvatn. Men vi vil nok få mellomtider etter kvart og det blir nok litt spennande.

Starten nærmar seg – litt nervøs stemning i minutta før start. Foto: Jon Olav Ørsal

Nils-Erik Ulseth orienterer om praktiske ting for løpet Foto: Jon Olav Ørsal

Startskotet har gått – løparane på veg ut frå Kårvatn. Foto: Jon Olav Ørsal

Passering på Storfjellet 

Beste passering på Storfjellet hadde Robert Sørlie på 38,13 – med Hans Inge Klette hakk i hel på 38,15.  Elles kan vi nemne at lokale kjendisar som Erik Kårvatn på 41,41, Kristoffer Nordvik på 44,35, Halvor Drøpping på 45,37.  Beste tid for kvinner er registrert på Johanne De Presno på 49,35.  

Raskaste kvinne til Storfjellet – Johanne De Presno med mellomtid 49,35. foto: Cathrine Kårvatn

Halvor Drøpping i fin stil – tid: 45,37 Foto: Cathrine Kårvatn

Robert Sørlie med hans Inge Klette på hjul – tiden vart 38,13 og 38,15. Foto: Cathrine Kårvatn

Junioren Erik Kårvatn passerte på 41,41 – sterk tid! Foto: Cathrine Kårvatn

Passering av Grinaren

De fire første har passert posten på Grinaren

De fire første har passert Grinaren i rekkefølge Hans Inge klette, Robert Sørlie, Jørgen Kvalsvik og Morten Eilifsen.  Her finn du komplett oversikt over passeringstider på toppen av Grinaren

Hans Inge Klette i tet med Robert Sørlie et sekund bak  – 1,37,56 og 1,37,57. Foto: Iren Sæterbø

Publisert: 24. august 2019, 10:31