Det er no klart at den tradisjonelle hjortfesta blir arrangert laurdag 7. desember. Det skjer i Todalen ungdomshus, og det er i år Talgø og Kårvatn jaktlag som er vertskap for arrangementet. Ragnar Halle fortel at jaktlaget alt no er i gang med programmet, og det kan nok settast store forventningar både til meny og program. Dette kjem vi attende til med meir informasjon etter kvart.
Det er i allfall lurt å sette av denne helga for hjortfest laurdag 7. desember. På hjortfesta blir det også utdeling av heidersprisen Den Gyldne Patron, som går til ein person som har utmerka seg i arbeidet for fellesskapet i bygda. Elles blir det nok høve til ein svingom etter at programinnslaga er unnagjort.