Grillparty i sommarkvelden

Av Jon Olav Ørsal
17. juni, 2012

Todalen idrettslag iviterte laurdag kveld sine medlemar til grillparty og ein svingom i Ungdomshuset. Etter mykje dugnadsarbeid tidlegare og føreståande arrangement som Todalsdagen og dugnadsinnsats på Laksefestivalen neste helg, ønska styret å gje litt att til medlemane. Derfor var det berre ein 50-lapp i billett, som inkluderte både inngang og grillmat. Norfolk frå Surnadal sørga for at det vart høve til ein svingom.

Frå eit av borda på uterestauranten framfor Ungdomshuset. Foto: Jon Olav Ørsal

Med vêrgudar som spela på lag, og med Knut Halset og Jon Olav Roaldset som grillsjefar, fyltes det opp rundt borda utafor Ungdomshuset. Honnør til kokkelaget for velsmakande grillmat som fall i god smak.

Elisabeth Aas fekk gåvekort og takkeklem frå ledar i T.I.L. Kari Kvendset. Foto: Jon Olav Ørsal

Etter maten foregikk resten av laget inne, og ledar i Todalen I.L. heldt tale for dagen og takka medlemane for stor innsats i lagets teneste. Ein spesiell takk retta ho til Elisabeth Aas og Per Hølaas for det fine måleriet som laget har fått til utlodding. Vidare utover kvelden var det Norfolk som sørgja underhaldninga med svingom ut i dei små timane som det stod på innbydinga.