Vemund Øvstehage kom først i mål på Trollheimen Ultra – oppdatert med resultatliste

Vemund Øvstehage trekte det lengste strået i Trollheimen Ultra 100 som vart arrangert i Todalen laurdag.  Vebjørn og Lorents Ola Aasvold kjempa heile løpet om å ligge i tet, og slik vart da og resultatet ved målgang, med Ola på andreplass.  Vedmund fikk tida 11.33.14 i mål medan Ola kom på 11:55:52 – avstanden mellom dei to auka på siste del av løpet frå Tovatna til målgang på Bordholmen. På tredjeplass kom Espen Avset Fredriksen med tida 12:36:18 og beste lokale løpar vart Steinar Johansen Aarvåg som kom på fjerdeplass berre 5 minutt frå bronsemedalje.

I skrivende stund er det ingen i dameklassen som er komne i mål, men Gina Flugstad Øistuen ligg best an med beste mellomtid på Kårvatn på 12:10:00 – her ligg Lisabet Sætherbø an til ein andreplass med nest beste mellomtid på Kårvatn med tida 12:29:30.  Veronica Aasgård frå Søya har og gjordt eit godt løp, og har 3. beste mellomtid på Kårvatn på 12:27:00.  

Det var 60 løparar som stilte på startstreken på Borholmen i dag tidleg da starten var kl 06:00.  Sjølv om dei raskaste no er komne i mål etter 11-12 timar i fjellet, så er det mange løparar som enno ikkje er komne til Gammelseterdalen og som nok er førebudd på å ta siste del av løypa med hodelykt og ta litt av kvelden og natta til hjelp før dei er komne til målgang.

Regnvêret dei siste dagane har gjort at det er både vått og glatt i fjellet så det har nok vore mange knall og fall i løpet av dagen, men så langt er det ikkje meldt om nokon skader der det har vore behov for tiltak frå Røde Kors som har fleire postar i den ti mil lange løypa. 

Offisielle resultatlister
Antall påmeldt: 60  Antall startet: 48  Antall fullført: 40
Her kan du laste ned den offisielle resultatlista frå Trollheimen Ultra 100 – 2026.  Klikk på linken og laste ned resultatlista som PDF-dokument