På tampen av veka starta Håvard Halset så smått med våronna. I første omgang er det engfornying som står på programmet. Det vil seie at han bruker nyanskaffa såmaskin som er spesielt beregna til engfornying.
Håvard Halset er i gang med våronna – her diskuteres grasproduksjon – frå venstre Håvard, Mikael og Gudmund K. Foto Jon Olav Ørsal
Det vil seie at gamle ekrer får nytt liv med å så 1-årig raigras, for å få opp produksjonen. Når ein gjer det på denne måten så gir det lite effekt på 1.-slåtten, men 2.- og 3.-slåtten får ein god effekt av raigraset. Den nye luftassisterte såmaskina, som tek 6 meters bredde, har ein kapasitet på rundt 60 dekar i timen. Så såarjobben går kjapt unna. – Maskina rufsar opp jorda litt før den bles frøet og fordeler det jamnt mot jorda. Etterpå rufsar maskina over jorda og skjuler frøa. Her blir frøa liggande til det blir varme i jorda, og det tek til å spire.
Det er enno litt tæle i jorda, så vi lut nok vente litt med resten av våronna, seier Håvard, som fortel at tælen no er på vikande front. Når vekstsesongen startar skal det så gjødslast for å få fart på graset.