Tilsaman 15 personar trossa laurdag føremiddag snøbygende og kom på dugnad i Toåa tursti. Vergudane prøvde seg med 2-3 varmegrader og med snø og slaps, men dugnadsgjengen gikk på med krum hals og fekk unna dugnadsarbeidet i løpet av eit par timar.
Nyskråpa veg i turstien – Ivar Bolme er «vegvoktar» i Toåa tursti. Foto Jon Olav Ørsal
Arbeidsoppdraget var i hovudsak rydding av kvistar og rusk etter vinterstormane som hadde lagt ned vindfall i stort omfang gjennom Gunnøyskogen og i Slottøya. I tillegg vart sjølve turstien sladda og ordna slik det er klart til å ta i mot stor trafikk når Stikk UT-trimmen startar med sine sommaraktivitetar den 1. mai – Toåa tursti er nemleg eit av turmåla som er med på sommarens Stikk UT-aktivitetar.
Dugnadfolk i turstien – frå venstre Øystein Moe, Jostein Bruset og Magne Søyset. Foto Jon Olav Ørsal
Tidlegare i veka har gapahuken ved Båthølen fått seg ein skikkeleg rundtvask før ny sesong starta på – Jorunn Ørsal og Liv Larsen hadde sørga for at det var reint, og at det faktisk var ein snev av grønsåpelukt i Gapahuken.
Elinor Bolme serverer bålkaffe frå storkjelen til dugnadsgjengen. Foto Jon Olav Ørsal
Det er faktisk stor trafikk i Toåa tursti – hit kjem trimmarar frå fjern og nær og heile 1756 personar var registrert i StikkUT-appen i 2025 – i år blir det nok enda fleire. I tillegg kjem TILs turar i Todalen som har heile 2525 turar i Toåa tursti og tilsaman 5569 for alle turmåla i Turar i Todalen
Ragnhild A. Moe og Ingri Bruset ved vegvisaren. Foto Jon Olav Ørsal
Dugnadsgjeng – Ragnhild A. Moe, Gudmund Kvendset, John Moe og Erling Talgø – Foto Jon Olav Ørsal