Søndag 28. august er det klart for ny Trollheimsmarsj igjen, melder Kari Kvendset i Todalen I.L. Det blir den fjerde i rekkja, og det er lurt å sette av helga til formålet. Arrangementet er eit samarbeid mellom Todalen I.L. og I.L. Ulvungen, med Trollheimstunnelen som sponsor. Årets Trollheimsmarsj følger tradisjonelt opplegg med start på Bordholmen stadion i Todalen og over Vardan til Ålvundeid, der det er målgang på Leikvoll stadion. På turen over fjellet vil det bli arrangert natursti med premiering. Som før blir det busstransport frå Ålvundetet til Todalen både før start og etter målgang.
