Trollheimen Ultra er eit 100 km langt ultraløp i Trollheimsfjella, med start og målgang på Bordholmen med rundtur til Trollheimshytta, Bårdsgarden i Storlidalen, Rendølsetra i Innerdalen og altså målgang på Bordholmen. Datoen er 15. august, med start kl 06:00.
Det er første gong at Trollheimen Ultra blir arrangert og løpet er dimensjonert til 60 deltakarar – men er alt no fullteikna og har mange på venteliste, fortel Halvor Drøpping som er leiar for løpet som arrangerast laurdag 15. august. Arrangør er Trollheimen fjellsportklubb med Todalen Idrettslag som medarrangør. Klubben er og arrangør av Kårvatn Skimo og Kårvatn Skyrace og har god erfaring med krevjande arrangement som har aldersgrense på 18 år.
Halvor Drøpping er leiar for Trollheimen Ultra, medan Ane Kårvatn Moen er i sekretariatet. Løparane er innom her på Kårvatn før kursen settes vidare til Trollheimshytta. Foto Jon Olav Ørsal
Hadde det ikkje vore for Todalen ILs pågangsmot og dugnadsånd hadde ikkje eit slikt løp ikkje vore muleg å arrangere for oss, seier Halvor som er leiar for Trollheimen Ultra 100. Som sagt er det eit krevjande løp som ikkje har nokon trimklasse – dei som søker deltaking må være førebudd på ei skikkeleg utfordring og ha evne til å teste eigne grenser for fysiske belastningar.
Traseen for Trollheimen Ultra 100 i 2026 – litt av ein tur i spektakulær natur. Kart fra Trollheimen Ultra
Trollheimen Ultra er eit løp som rek løparane med gjennom eit storslege landskap, med dramatisk fjell, dalar og ekte villmark – til saman er løpet på 3.700 høgdemeter så det er både mange og lange motbakkar gjennom spektakulær natur.
Som sagt er løpet alt fullteikna og mange står på venteliste. Men det er rikeleg med plass til heiagjeng langs den 100 km lange løypa gjennom Trollheimen.