Sjølv om vêrgudane gjorde kva dei kunne for å øydelegge dagens romjulsmarsj så stilte juletrimmarane opp når TILs trimgruppe arrangerte. Gjengen i trimgruppa var i tvil om det kom nokon i det heiletatt – men der tok dei feil!
På Bruset var det servering av gløgg – og litt loddsal. Foto Jon Olav Ørsal
111 deltakarar vart registrert som deltakarar mellom sludd- og snøbygane da TILs trimgruppe stod som tradisjonell arrangør av Romjulsmarsjen i Todalen. Romjulsmarsjen går rundt bygda som er ei strekning på 6 kilometer. I tillegg vart det registrert 11 hundar og ein het, som også sette pris på ein luftetur no i juletida. I fjor var det faktisk over 170 som deltok på romjulsmarsjen, men da var det fint vêr og føre, som var godt egna til utfart. – Men trimmarane trossa vêret om kom for å bli med om det var litt ruskevêr – og det er da kanskje «dørstokkmila» som er verst, og så er det lurt å kle seg godt da – når vêret er slik som i dag.
På Naustvollen er dei samla 3 generasjonar i jula – i dag var alle med på trim – Even og Johan Fredrik jr ligg i vogn og tek ein lur på rundturen rundt bygda. Foto Jon Olav Ørsal
Arrangørar – TILs trimgruppe – frå venstre: Sissel Halset Storslett, Torill Talgø, Lars Kvendset og Anita Talgø. Alle som deltok fikk ein gratis turkopp – valfritt i fire farger gul, rød, orange eller blå. Foto Jon Olav Ørsal
Trekning i Romjulslotteriet er klar. Tilsammen var det 8 gevinstar som vart trekt ut slik:
- Førstehjelpsveske/Turhandkle – vunnet av Karen Johanne Talgø
- Håndsåpe – vunnet av Kristian Gjeldnes
- Termokopp/Handlenett – vunnet av Ola Haugen Ansnes
- Sjokolade/Isskrape/handlenett – vunnet av Sigrid Elise Talgø
- Fat/Handlenett/isskrape – vunnet av Bibbi på Naustvollen
- Handsåpe – vunnet av Ola Haugen Ansnes
- Drops – vunnet av Kristian Gjeldnes
- Forundringspakke – vunnet av Nordli
Og det var slett ikkje berre bygdefolk som deltok på dagens romjulsmarsj – kanskje var det like mange tilreisande som kom for å få litt frisk luft og kanskje var det høve til å treffe kjentfolk. Vi tok runden rundt bygda for å sjå og treffe deltakarane – nokre av dei vart og med på bilete og tek du deg tid til å sjå på bildegalleriet nedafor så treffer du kanskje kjentfolk?
