Todalsdagen 2026 vart ein suksess

Laurdag arrangerte Todalen Idrettslag den tretti fjerde utgåva av Todalsdagen, som såg dagens lys i 1993. 33 fotballag i aldersgruppa j/G 6 til J/G 10 spela fotball på fire banar frå klokka 09:30 til 14:45, og alle såg ut til å storkose seg i det fine vêret. Alle spelarane fekk ein turkopp som premie og synleg bevis på at dei hadde vore med på TodalsCupen. I tillegg fekk alle 6 og 7 åringane pokal.

Viktig inntektskjelde

Todalsdagen har i alle år, som Todalshelga var det (1968 – 1992), vore den viktigaste enkeltinntektskjelda for idrettslaget i alle år, og er såleis eit viktig arrangement for idrettslaget med tanke på inntekter.

Bra med folk. Foto: B G Ansnes

Årets utgåve av Todalsdagen samla mykje folk, og det var fullt trøkk både i kiosken og ved grillane. Trøkk var det også for å få kjøpt lodd i sommarlotteriet, der det totalt vart selt 1209 lodd.

Trekkingslista for sommarlotteriet:

Premie	Giver	Loddnummer	Navn
Gavekort	ALTI	957	Nora Mellum
Forundringspakke fra Ellie og Timba	ALTI	294	Reidar Magnar Aasen
Gavekort 2 mnd. medl.	ATLETA	1025	Ellen Magny Lien Botn
Gavekort 2 mnd. medl.	ATLETA	219	Torgeir Kvendset
2 brett egg	Pestua Gard	429	Fredrik Sogge
2 brett egg	Pestua Gard	448	Jon Olav Ørsal
Gavekort, bespisning for 2	Svinvik Gard	956	Kari Nerbu
Premiepose m. kopp/badebillet og buff	Svorka	651	Ingri Bruset
Premiepose m. kopp/badebillet og buff	Svorka	382	Anders Halset
Termokopp	Sætra drift	851	Merethe Haugen
Vannflaske i rustfritt stål	Sætra drift	481	Jon Bruset
Fotballer	Talgø	415	Terje Nordvik
Gavekort	Todalshytta	228	Kristin Kårvatn
Landslagsdrakt herre	Todalen IL	660	Gudmund Kårvatn
Landslagsdrakt barn	Todalen IL	868	Ingeborg Nes

Totalt selde lodd		1209

F.v. Jostein Fiske, Eyobiel Abraha, Ralfs Balandins, Trond Alan Moeykens, Tobias Talgø, Olav Aune og Anders Dalsegg Bruset. Foto: Ola Dalsegg

Unge dommarar

I tillegg til dommarar frå Todalen, så stilte Surnadal G 14 med 7 dommarar. Det var Jostein Fiske, Eyobiel Abraha, Ralfs Balandins, Trond Alan Moeykens, Tobias Talgø, Olav Aune og Anders Dalsegg Bruset. Det var sporty gjort, og god erfaring, og ei god erfaring å ta med seg for dei unge karane som alle tok dommarkurs i fjor.

Leiar i Todalen IL i samtale med speaker under Todalsdagen, Nils Ove Bruset. Foto: B G Ansnes

– Stor takk og applaus til alle frivillige som bidreg på sitt vis for å realisere Todalsdagen. Og for ein dag! Blir stolt av å vere todaling når ein er omkrinsa av slike folk. Det skal og poengterast at dagen blir prega av våre gjester utabøgdesfrå. Prektig at så mange tek turen innom Kammen og fyller Bordholmen med ei perfekt blanding av samhald, konkurranse og giverglede til ei veldedig sak, oppsummerer ein godt nøgd leiar i Todalen Idrettslag, Endre Talgø, dagen.

I fotogalleriet nedanfor kan ein sjå lagbilde av kvart lag som var med i TodalsCupen 2026.