«Rystende god», skreiv VG om den oscarnominerte danske filmen «Jakten» som Filmklubben viser onsdag 4. mars klokka 12:00. Rystande god er også Mads Mikkelsen i hovudrolla, godt kjent frå filmar som «Et glass til», «Bastarden» og som skurk i Bond-filmen «Casino Royal».
I «Jakten» frå 2012 spelar Mikkelsen ein barnehagetilsett, attpåtil av dei mest populære, heilt til ei lita jente påstår han har blotta seg for ho.
Kritikkane er, i det store, veldig gode og filmen har også fått tilsvarande publikumsrespons med eit snitt på 8,3 poeng på nettstaden imdb.com.
Foto: Paramount Pictures
«Siste skrik»!Det tok tretti år frå Kevin Williamson skreiv manuset til den første Scream-filmen», til han no avsluttar med den sjuande i serien. Fleire har vore med på reisa og både Neve Campbell og Courtney Cox har overlevd drapsforsøka frå dei «Skrik-maskerte», i alle fall så langt. Og Courtney Cox, mest kjent som Rachel frå «Friends», verkar framleis å vere stiv av skrekk. Men om det skuldast botox eller «Ghostface», er ikkje lett å vite. Filmfolka skal i alle fall ha det: Dei har verkeleg gjort sitt til at Edvard Munchs «Skrik» er eitt av dei mest kjente kunstverka i verda.
«Scream 7» skal altså vere det siste skriket i serien, så no får dei horrorfrelste endeleg vite kven som får det siste stikket.
Foto: Nordisk Film Distribusjon
Best å halde seg på land. Kinoen er heller ikkje ferdig med «Kraken», sjømonsteret som er veldig ugrei mot ganske mange i Sognefjorden. Kraken vart først omtalt på 1600-talet som ein slags gedigen blekksprut som kunne dra skip ned i djupet i Norskehavet. I filmen har altså monsteret trekt innaskjers og KRAKEN vart allereie i mai i fjor selt til 38 land. Sunnmøringen Pål Øie står for regien. Han har tidlegare hatt suksess med «Tunnelen» og dei to «Villmark»-filmane, der den siste gjekk på NRK i helg).
Heile kultur- og kinoprogrammet ser ein på surnadal-kulturhus.no.