Torsdag kveld var det dansekurs eller danselek som Rune Hanem heller ville kalle det. Rune og kona Jorunn var instruktørar som organiserte og instruerte deltakarane som svinga seg i dansen i Todalen ungdomshus. Deltakartalet var denne kvelden litt prega av at det er haustferietid, men dansen den gjekk glatt rundt dansargolvet.
Rune og Jorunn Hanem var instruktørar og leia dansen. Rune oppfordra todalingane til å ta vare på kulturarven sin – det er ein skatt seier han. Foto Jon Olav Ørsal
Rune Hanem tykkjer at todalingane har forsømt seg som har slike skattar som «Tovassvalsen» og «Polsdans frå Nordmøre i Todalstradisjon». Dette er ting som er i ferd med å gå i glømmeboka, og her må det tas ansvarf for å få dette på bruk igjen. No er det dans i ungdomshuset – tre kveldar med øving etter initiativ frå Skulstuå – den tredje og siste øvingskvelden er torsdag 15. oktober.
Deltakinga var nok llitt prega av haustferietida vi er inne i. Foto Jon Olav Ørsal
Så blir det dansefest med levande musikk i ungdomshuset laurdag 24. oktober. Da blir det levande musikk med Nordmøre Spellmannslag, der arrangøren lovar at det skal bli ei triveleg helg fylt med musikk, dans og levande kulturtradisjonar. Programmet er ikkje heilt klart enno, men det vil kome meir informasjon etter kvart.
Sjølv om hovudfokusen var på Polsdans frå Nordmøre i Todalstradisjon so vart det både vals o reinlender i tillegg. Foto Jon Olav Ørsal