Stine Eide er årets Haustlyskunstnar

Tysdag 13. november inviterer Surnadal Kunstforening til opninga av årets Haustlys i Finstuå på Surnadal kulturhus. I år er det kunstnaren Stine Eide frå Voss som er

Haustlyskunstnar, og ho vil vere stades under opninga i Finstuå tysdag. Stine er teiknar og har mange spanande bilete med humor og skråblikk på samfunnsutviklinga.

Om Stine Eide

Stine Eide er ein norsk biletkunstnar som arbeidar med nyskapande blyantteikning. Bileta er basert på handteikna, hyperrealistiske blyantteikningar som er kombinert med ulike material og teknikkar.

Mannen som tok oppvasken. Foto: Privat

Det særeigne uttrykket er utvikla med eit ynskje om å skapa ny og moderne kunst ut frå tradisjonell teiknekunst. I kunsten til Stine finn ein ofte aktuelle tema som samfunnsutvikling og feminisme.

Både lett og blytung tematikk vert tatt på kornet med eit humoristisk skråblikk som kan vekkje humrande attkjenning hjå dei fleste. Stine Eide er medlem av Norske billedkunstnere og Tegnerforbundet, og har utdanning frå Voss,

Kalenderbilete. Foto: Privat

Bergen, Queensland og London. Ho vart utøvande biletkunstnar på heiltid i 2013 og har sidan hatt ei rekkje utstillingar i Noreg. I 2016 etablerte Stine seg med eige galleri i sentrum på heimstaden, Voss.

Stine Eide sin CV

Superkvinna Magenta. Foto: Privat