Det er Trollheimen Fjellsportklubb som er arrangør, og motbakkeløpet Dammen Opp har start frå Forsamlingshuset på Nordvik. Løpet er i underkant av 3 km, og går etter vegen opp til inntaksdammen for Nordvik Kraft.
Starten ved forsamlingshuset – Isak og Håvard ligg allereie i tet. Foto Jon Olav Ørsal
Her kan alle delta, for løpet er både for løpande som vil kjempe om kvart sekund, men du kan også delta om du går – og sjølvsagt kan både store og små være med og delta. Løpet er delt inn i to klassar – konkurranse og trim. Trimklassen har start kl 11:00, eller kl 11:30 med fellesstart dersom du vil ha tidtaking. Konkurranseklassen har start kl 12:00 .
Påmelding ved oppmøte ved Nordvik Forsamlingshus, og det er lurt å møte i god tid slik at du er klar når startskotet går. Startkontingenten er kr 100 for alle klassar. Arrangøren håper på bra oppmøte og deltaking, og vil sørge for salg av kaffe, kaker og saft ved forsamlingshuset.