Dårlege vêrprognosar til 2. påskedag gjer at friluftsgudstenesta som var tillyst på Tjønnmyran blir flytta til Todalen kyrkje med same program og til same tid – kl 12:00.
Det er meldt tildels store nedbørsmengder og sterk vind i kasta, og da blir det utriveleg ved gapahuken på Tjønnmyran. Difor har Todalen sokneråd og kyrkjekontoret bestemt at gudstenesta blir flytta innendørs til Todalen kyrkje. Og som sagt til same tid kl 12:00 og same programmet for gudstenesta:
Pål Arne Winsnes er liturg under friluftsgudstenesta, medan Amund Valde er organist.
Det er laga eit eige songhefte med salmar til friluftsgudstenesta på Tjønnmyran 2. påskedag.
Etter gudstenesta blir det kyrkjekaffe med «nogo attåt» og aktivitetar for barna.
Plakat påskesamling og friluftsgudsteneste på Tjønnmyran 2026.
Todalen Sokneråd ønsker velkommen til friluftsgudsteneste på Tjønnmyran!