Tysdag var det offisiell overlevering av ein ny løftestol frå Surnadal denensforening og helselag, til Heimesjukepleia i Surnadal. Ein slik løftestol har lenge stått på ønskelista, men så langt har det ikkje vore plass på budsjettet – prisen for ein slik løftestol er i overkant av 60.000, og det er rekna som naudsynt uttyr som sponsorane ikkje vil være med å bidra til, fortel Lilly Gunn Nyheim som er nestleiar i demensforeninga.
Rikke med stolen klar til å dra ut på oppdrag. Foto Jon Olav Ørsal
Dermed vart løysinga at foreninga skulle dekke heile summen sjølv, og da med midlar som blir tilbakeført som den lokale delen av medlemskontingenten. Da hjelper det å være landets nest største lokalforening med over 400 medlemar. No er altså stolen komen i hus og teken i bruk. Heimesjukepleia er forresten flytta over i nye midlertidige lokalar i 2. etg. i kommunehuset – det skjer i samband med bygginga av nytt helsehus.
Oversjukepleiar Elin Betten studerer monteringsanvisninga og får stolen «på føtene». Foto Jon Olav Ørsal
Ein slik løftestol -eller om du vil ein oppreisingsstol blir bruka i samband med fallulukker for å hjelpe folk på føtene igjen etter fall. Den er demonterbar og tek ikkje stor plass og dermed lettvint å ha med for heimesjukepleia. Det er ein Raizer oppreisingsstol, og har vore eit stort sakn i mange år, seier einingsleiar Rikke Schwabe Øie som fortel at det vart stor glede i leiren da denne gåva vart kjent. Ho fortel vidare at på neste personalmøte er det stolen som står på agendaen, og da skal alle tilsette lære seg å bruke stolen som egentleg er lett å sette sammen for å bli klar til bruk.
Her vert stolen demonstrert i bruk – den kan betjenast av 1 person enkelt og greit. Foto Jon Olav Ørsal