Elin Moen Lysø, i Vindøldalen Utmarkslag, har teke initiativet til å få laga ei praktbok om Vindøldalen. Plana er at boka skal kome ut til jul i 2027. På laget har ho fått med seg Elisabeth Holten frå Vindøldalen Velforening, Råg Ranes, også han frå utmarkslaget og Anita Land frå Blomsterhaug forlag.
No vil dei samle bilder og histiorier frå Vindøldalen.
– Vindøldalen fortener ei praktbok, seier Elin Moen Lysø.
– Dalen har unik natur, kultur og historie, legg ho til.
Målet med boka er å skapa ei «kjærleikserklæring» til Vindøldalen. Boka vil bli rikt illustrert med bilder og tekstar frå menge forfattarar. Nokre tekstar blir skrivne spesielt for boka, andre er skrivne tidlegare, opplyser dei tre.
Aktuelle tema i boka er mellom anna historie, landbruk (markaslått, seterdrift, beiting, skogsdrift, fløyting), biologi, kraftutbygging (veg), hytteutbygging, verneområde, rein i Trollheimen, fiske, jakt og sanking av bær. Det blir også lagt opp til småhistorier om ulike tema, som til dømes turtips vinter og sommar.
Boka er planlagt innbunda med rundt 200 sider i stort format, og egnar seg slik sett godt som gåve!
No håpar gruppa å få tips, bilder og støtte til boka om Vindøladalen. Den som vil bidra kan kontakte Elin Moen Lysø, anten på e-post elinmoen@hotmail.com eller på telefon 952 59 360.