Fredag kveld, 23. mars, er det årsmøte i Todalen småbåtforening. Det skjer på Pakkhuset kro på Todalsøra, og starter kl 20.00. I en e-post til Todalen.no skriver leder Lars Stensby at den største saken på årsmøtet nok er forslag om navneskifte til Todalen Båtforening. Han skriv: «Det store i år er at det er foreslått å formelt endre foreningens navn til Todalen Båtforening. Vi ønsker å være en inkluderende forening, og vil ikke diskriminere de som har store båter. Dette kreverat vi endrer vedtektene for å formalisere navneendringen. Samtidig som vi foreslår å endre navnet, har vi fått Line Kvendset til å tegne en logo for båtforeningen. Det blir spennende å se om den får årsmøtets tilslutning.

Les heile saka

Mandag kveld var det premiere for nye drakter og anna utstyr for G19 som er samarbeidslaget for juniorane i Todalen, Kvass/Ulvungen og Søya. Draktene som spelarane skal bruke er svart/kvitstripa som dei gamle draktene til Todalen, og dei har med seg solide sponsorar som har fått reklame på draktene og som tilsaman har bidrege med 50.000 i lagskassa. Det er HalsOil, Talgø og Surnadal Sparebank. Dei 19 spelarane fekk utdelt drakter, overtrekksdrakter og genser som reiseantrekk.

Les heile saka

Hovudutvalet for teknikk, miljø og næring i Surnadal kommune har i helga sendt ut ei pressemelding til loale redaksjonar og Fylket angående vegvedlikehaldet i kommunen, og ønsker å rette søkelyset på faren for fleire alvorlege ulykker i tilknytning til dette.

Les heile saka

Det fine turværet i dag tidleg inspirerte til å ut for å få litt frisk luft, og dagens utflukt gikk til Gammelvegen ved Svinvika. Du kan velg om du vil starte frå parkeringsplassen ved Svinviks arboret eller du kan starte frå parkeringsplassen ovafor Snøya. Vi valgte å parkere ovafor Snøya, og gikk utover gardsvegen mot Hjellnes og tok av utover den gamle vegen langs Langkleiva mot Svinvika. Denne vegen vart bygd i 1890-åra, og er no restaurert av Surnadal kommune til gang- og tursti. Vidare går du etter den asfaltvegen langs fjorden attende til Snøya.

Les heile saka

Laurdag var det storstila bacalaodag i Forsamlingshuset på Nordvik. Etter fleire år med tradisjonell balldag, var det på tide å bryte denne tradisjonen med ny meny og altså heimelaga bacalao. Og på kjøkenet auka sjølvsagt spenninga etter kvart som det fyltes opp med bilar på parkeringsplassen, og med folk i salen. Vart det nok bacalao? Det var dekt på til 50 personar i storsalen, men det kom over 50 og det laut dekkjast nye plassar. Og så vidt vi kunne observere så vart det nok bacalao til alle, og det var nok fleire som nytta høvet til å fylle på att litt. Etterpå var det fruktsalat med krem og vaniljesaus til dessert og kaffe. Det var nok mange som hadde lite plass att til desserten, når bacalaoen var fordøyd.

Les heile saka

I år er Johan kvendset einaste todaling som deltek i Birkebeinerrennet. Han er godt i gang og har passert Kvarstad, som er godt og vel halvvegs. I fjor vart han nummer 10 i klasse 75-79 år og gikk på tida 4.41.26. Så spørs det korleis føret og forma er i år? Vi er imponert over innsatsen, Johan!

Les heile saka

På årsmøtet til Todalen idrettslag vart Kari Kvendset valt til ny ledar i hovudstyret. Det var fredag kveld at Todalen idrettslag hadde årsmøte i Todalen ungdomshus, der vel tjue medlamar møtte. Det var eit årsmøte på det jamne, utan nokon store og viktige saker. Lagets økonomi er sunn, til tross for at laget gikk på eit underskot siste året. Underskotet har samanheng med det er brukt knappe 400.000 til renovering av ungdomshuset som har fått nytt og moderne toalettanlegg og skifting av ytterdører. Den største utfordinga i 2011 blir nok bygging av nytt lysløypeanlegg. Det er kostnadsrekna til 908.000, men tilskot frå fylket og ein betydeleg dugnadsinnsats gjer at de reelle kostnadene for laget blir rundt 300.000. I tillegg bevilga årsmøtet midlar til kjøp lyd- og AV-anlegg til ungdomshuset til ein kostnad rundt 100.000.

Les heile saka

Etter nokre års opphald blir det seniorfotball på Bordholmen og Søyabanen igjen. Søya og Todalen dannar eit samarbeidslag, på same måte som for dei aldersbestemte laga. Namnet på det nye laget blir Søya/Todalen, og heimekampane kjem til å bli fordelt mellom Bordholmen og Søyabanen. Søya/Todalen skal kjempe i 5. divisjon, der dei skal møte mange tøffe motstandarar. Motstandarlaga i 5. divisjon avd 1 blir Clausenengen, AK 2, Sunndal 2, Dahle 2, Nordlandet, Frei, Smøla, Tingvoll 2, Halsa/Valsøyfjord og Øksendal.

Les heile saka

I helga er det klart for lansering av romanen «Dalapop», som Ola Skei har skrive. Idet høve har Gerd Ingrid Kvendset skrive manus til framsyninga med same namn, som går i kulturhuset fredag 16. mars kl. 19.30 og laurdag 17. mars kl. 18.00. Det er historia om bandet The Tramps» som skal formidlast med hjelp av song, musikk og skodespel. På scena får vi sjå lokale aktørar frå Kulturskulen og Svarrabærje teaterlag, og vi kan nemne namn som Arne Landsen, Jørgen Kvande og Anne Marie Moen.

Les heile saka

Todalen filial av Surnadal folkebibliotek er no den einaste filialen som er att i Surnadal kommune. No står også den i fare, og skal vurderast til våren, fortel bibliotekar Karen Johanne Talgø. Ho tok filialbestyrarjobben for å halde drifta igang, men det er berre eit vikariat i ei vakant stilling. Ho likar å halde på med […]

Les heile saka

Fredag 16. mars kl 19.30 er det klart for årsmøte i Todalen Idrettslag. Det skjer i Todalen ungdomshus, og no er saklista for møtet klar. Forutan vanlege årsmøtesaker så kjem innkomne saker på dagsorden. Det er kome 4 saker som vil bli diskutert på årsmøtet. Det gjeld satsar for betaling på skihytta, lydanlegg i Undomshuset, Campingdrift på Bordholen og drift/vedlikehald av løyper. Her finn du den komplette saklista for årsmøtet 2012 som PDF-dokument. Fristen for å kome med saker til årsmøtet og oppseiing av tillitsverv er no gått ut.

Laurdag 17. mars  kl 12 – 15 blir det arrangert «Skiskytingens dag» på skiskyttaranlegget på Nordmarka. Etter triumfane til Tora Berger er skiskyttarsporten populær som aldri før, fortel Olav Jostein Holten i Indre Nordmøre Forsvarsforening. Det er nemleg forsvarsforeninga som er arrangør, og dei held både våpen or ammunisjon (kal 22). Dette er ein uformell aktivitet, der alle er velkomne til å ta del. Merkeprøve inngår i konkurransen, og det blir høve til å kjøpa merke dersom du klarar krava. Her finn du heimesida til Indre Normøre Forsvarsforening.