Det er ei veke til (fjor)årets Oscars blir delt ut. Den største favoritten blir å sjå på Surnadal kino, når Seniorfilmklubben onsdag 11. mars klokka 12:00 viser filmen «Hamnet». Kategorien er beste kvinnelege hovudrolle, og Jessie Buckley har raska med seg det som er av andre prisar i vinter for si tolking som Agnes Shakespeare. Jau, det var Agnes som var gift med William og i «Hamnet» får ein oppleve når dei blir stormforelska, opplever familielukke, kunstnarisk utvikling og personleg tragedie.
Foto: Focus Features LLC (2025)
Filmen tek for seg det som skal bli hans mest kjente stykke, «Hamlet», og enno meir: det store personlege tapet familien opplever samtidig. NRK Filmpolitiet har gjeve sjølve filmen fem på terningen, men Jessie Buckley ser ut til å fortene umulege sju: «Jessie Buckley er».
Sterke kvinner, om enn i ei anna setting, blir også å sjå i islandske «En dag uten kvinner, ein dokumentar om da kvinnene gjekk til streik ein dag i 1975. 90 prosent av alle kvinnene la ned arbeidet 24. oktober det året for å markere at dei hadde fått nok av det mannsdominerande islandske samfunnet. Så filmen er eit naturleg val til samtidig å markere Den Internasjonale Kvinnedagen og med lokal premiere 8. mars (kl. 17).
Foto: Disney/Pixar (2025)
Animasjonsfilmen «Operasjon Bever» frå Disney/Pixar slepp til på kinoduken frå tysdag av. Den har fått veldig god omtale i utlandet, faktisk som den beste animasjonsfilmen på nærare ti år, medan det er litt meir sprik mellom dei norske kritikarane.
Foto: Universal Studios (2025)
Til helga får «Minner om ham premiere. Filmen er basert på boka til Colleen Hoover, kanskje mest kjent for «Det ender med oss».
Heile kultur- og kinoprogrammet ser ein på surnadal-kulturhus.no.