Laurdag frå klokka 07:00 og fram til bortimot midnatt, vart den sjette utgåva av Surnadal Golf Maraton arrangert på Surnadal golfpark på Mo. Vêret var betre enn vêrmeldingane, så det var ein fin dag på Surnadal golfpark med fine speleforhold i Surnadal Golfklubb sin populære maraton. Ole Ansgar Løvold frå Tingvoll Golfklubb og Ansgar Johan Jürgensen Løvold frå Kristiansund og omegn Golfklubb sto øvst på pallen etter dei tre rundane.
Resultatliste Surnadal Golf Maraton 2026
Surnadal Golf Maraton er ei parturnering med 30 par, sltså 60 spelarar. Turneringa er populær og var i år fullbooka på få timar, og hadde lang venteliste. Det blir spela tre rundar av atten hol med innlagte matpausar mellom rundane.
I pausen mellom runde 1 og 2 serverte «Stamkokken» Tomas Løseth Aspill lunsj. Her kunne spelarane velge mellom saftige burgarar av storfe og brioche og klassiske grillpølser. Båe deler med godt tilbehør.
I pausen mellom runde 1 og 2 serverte han middag. Til middag der spelarane kunne velge mellom BBQ spareribs, som var langtidsstekt, glassert og grilla, Brisket av storfe, langtidsstekt, saftig og mør og Grilla kyllinglår med BBQ glaze. Alt saman med passande tilbehør.
Fleire bilder frå Surnadal Golf Maraton ser ein på Surnadal Golf Maraton sine eigne heimesider