Larudag deltok Ola Vikan (14) frå Nordvik i den tredje og siste runden av Østlandscup på Lunner i Innlandet. Ola deltek i klassen MX 85 13 – 15 år og køyrer for Surnadal Motosportklubb, og vart tidlegare i sommar Nergesmeister i speedcross.
Ola står og tenker på kva for ei startgrind han skal velge? Foto: Privat
Før den siste runden i Østlandscup 2026 låg Ola på førsteplass i samandraget.
I den tidskvalifiserande treningsrunden laurdarg køyrde Ola inn til ein 2. plass, rundt 8 sekund bak raskaste køyrar.
Kjekt med paraply i regnet før start. Foto: Privat
I det første av dei to heata i konkurransen, køyrde Ola inn til ein klar 1. plass, rundt 9 sekund før nummer 2. Med denne plasseringa var Ola allereie samanlagtmeister i Østlandscup 2026.
Dette såg det ikkje ut til at Ola tenkte så mykje på da han starta andre og siste heaat, for han køyrde framleis fort og køyrde i mål til nok ein seier, denne gongen med rundt 6 sekunds margin til nummer 2 i heatet.
Ein godt nøgd Ola etter å ha kome i mål i siste hit, og kan konstatere at han er samanlagtmeister i Østlandscup 20206. Foto: Privat
Med det var det krystallklart at Ola vart suveren samanlagtvinnar av Østlandscupen 2026 i klassen MX 85 og kunne klatre til topps på sigerspallen.
– Veldig godt fornøyd med kjøringa i helga også, og ikke minst at Ola ble sammenlagtmester i Østlandscup 2026, seier far Petter Vikan etter løpet.
– Dette er en stor motivasjonsfaktor og som bekrefter at treningsarbeidet han legger ned gir resultater. legg han til.
Ola med det synlege beviset på at han er vinnar av Østlandscup 2026. Foto: Privat
No blir det litt mekking før Ola skal delta i nest siste runde av Midt-Norsk mesterskap i Hattfjelldal på laurdag og tredje og siste runde i Norgesmeisterskapet på Elverum helga etter.
Vi gratulerer Ola som vinnar av Østlandscup 2026 i motocross, og ønsker lykke til i Haltdalen og på Elverum. Todalen.no vil følge med og komme med saker både frå Haltdalen og Elverum.