Fredag formiddag kunne eigendomssjef i Alti forvaltning, Bergsvein Brøske og senterleiar for Alti-senteret i Surnadal, Lorentz Sæter fortelje, at i tillegg til den pågåande utvidinga og oppgraderinga som foregår på Alti-senteret i Surnadal, så blir Christiania Glassmagasin ny leigetakar.
Christiania Glassmagasin sin butikk vil bli lokalisert ved Rema 1000 og Boost apotek. Butikken vil bli på 190 kvadratmeter og vil opne i god tid før julehandelen tek til.
– Dette er en etterlengtet signering som vi har arbeidet lenge med, sa Brøske og Sæter.
Utbygging, oppgraderingar og flyttingar
Brøske og Sæter kunne også fortelje at i tillegg til utbygginga, som vil gje større Rema 1000 butikk med ny inngang, også er fleire endringar og oppgraderingar på gang.
Skisse av utbygginga ved Alti-senteret i Surnadal
Oppgraderingane står i at Aandahls, Hårsenteret, Princess og Tinde Sparebank, alle i løpet av året vil flytte til nye oppgraderte lokaler inne på Alti-senteret. Alle flyttingane vil vere fullført i god tid før julehandelen tek til, kunne dei to forsikre.
Også i underetasjen hos O M Grefstad er det oppgradering på gang. Her blir verkstaden oppgradert med nye golv og nye portar.
Slike utbyggingar og oppgraderingar vi no gjer, samstundes som vi får inn Christiania Glassmagasin, er viktig strategiske val for å redusere handelslekkasjen nordover, understreka dei to
Dei to har også ambisjonar om ein skal kunne gå tørrskodde og under tak på heile senteret. Tidsaspektet på dette prosjektet at det skal realiserast før dei går over i pensjonistane sine rekker!