Da vi stakk innom Sanitetshuset på Kvennset var det fullt arbeid med å lage bukettar med fastelavnsris av bjørkeris, og fastelavnkransar av lerketre. Vi passa på å kome i kaffepausen, og vart sjølvsagt med på trakteringa. Men snart var dei 8 damen i full gang med å sortere og lage bukettar med fargerike fjør – tilsaman rundt 50 i talet. Bukettane og kransane skal selgast for kr 150, medan store fjør kostar kr 25 og blir montert på sanitetstreet utafor buikken.
Solveig Glærum er leiar i Todalen Sanitetsforening – foto Jon Olav Ørsal
Fredag og laurdag troppar dei opp på Matkroken Todalen for å by fram sine fargerike bukettar og kransar. Sågar skal dei levere bukettar for sal i Stangvik, der dei blir bydd fram i dei gamle butikklokala i Bondehuset.
Golvet fullt av bjørkaris som Solveig og sambuar Bjørn har samla i skogen. Ola Bruset er fast leverandør av lerkekvistar til kransane. Frå ventre Helen Molde Saksen, Solveig Glærum, Synnøve Hole Talgø og Marit Sanden Søyset. Foto Jon Olav Ørsal
På butikken i Todalen vil det være folk tilstades det meste av dei to dagane for å hjelpe til med salet, men det går også an å kjøpe på sjølvbetjening og betale med Vipps.
Kaffelag hører med når Saniteten driv på – både sosialt og godt. I dag var det nystekte kanelsnurrar på menyen. Foto Jon Olav Ørsal