Onsdag 22. juli er det 15 år sidan terrorangrepet mot Regjeringskvartalet i Oslo og Utøya. 77 menneske mista livet, og mange fleire vart ramma. Surnadal kommune og kyrkja inviterer difor til lokal minnemarkering i Øye kyrkje frå klokka 13:30.
I samband med 15-årsmarkeringa har Statsforvaltaren over heile landet oppmoda kommunane om å arrangere lokale minnemarkeringar. Surnadal kommune inviterer difor, i samarbeid i samarbeid med kyrkja , til ei opa markering onsdag 22. juli.
Terrorangrepet var eit angrep på demokratiet, ytringsfridomen og dei verdiane samfunnet vårt bygger på. I ei tid med aukande uro i verda er det viktig å minnast det som skjedde – ikkje berre for å heidre dei som mista livet, men også for å stå saman om demokrati, openheit og fellesskap.
Program
Kl. 13.30 – Øye kyrkje opnar
- Stille kyrkje med rom for ettertanke og refleksjon
- Anledning til å tenne lys i lysgloben
Kl. 15.00 – Felles minnemarkering
- Tale ved fungerande ordførar og varaordførar Annett Ranes
- Musikkinnslag ved Johanne Holten
- Felles salmesong
- Høgtlesing ved Lene. Wilhelmsen
Alle er hjarteleg velkomne til å delta!