Lars Bakken Røen var i tet frå start til mål – i herreklassen passerte han målsnora på 11.50 og kom i mål 4 fattige sekund før Berit Mogstad som kom i mål på 11:54 og vart dermed best i kvinneklassen. Emil Ansnes hadde nest beste tid i herreklassen og kom i mål på 12:19 som var 29 sekund etter og på 3.plass kom Per Egil Heggset 36 sekund etter.
Ved passeringa halvvegs i løpet hadde Halvor Drøpping 3. beste tid, men hamna på 4.-plass ved målpassering. I dameklassen var det Lisabeth Sætherbø som fikk nest beste tid, 54 sekund etter Mogstad. På 3.plass kom ingvild Finborud på 16,12 og 4,18 etter. Ved passering i Reta låg Maren D. Skuggevik på 3.plass, men vart altså henta inn av Finborud før målgang. Her har vi lagt ut den komplette resultatlista der alle som løp med tidtaking er med – last ned PDF-dokument her!
Frå starten på Miniræta – over 170 unge sprekinga på veg ut frå startportalen på Bordholmen. Foto Jon Olav Ørsal
Totalt var det 105 deltakarar som deltok i konkurransen med tidtaking. Mange av deltakarane var nok inpirert av innsamlingsaksjonen til lille Mikkels innsamlingsaksjon til forsking vet NTNU. Det engasjerte iallfall borna som deltaok på Miniræta. Her var det over 170 deltakarar og arraangøren gikk tom for startnummer. Miniræta som er for dei aller yngste blir arrangert som ein runde rundt løparbanen på Bordholmen, og her var det mange snarspringarar som var kjappe til å kome i mål.
Frå starten på Ræta opp Over hundre deltakarar på «tidtakar»-klassen Foto Jon Olav Ørsal
Det store spenningsmomenten blir no å få oversikt over kor mykje som kom inn i startkontingent – Mange betalte meir enn minstekontingenten og mange betalt inn eit beløp uten å melde seg til start. Vi håper dette gir eit bra løft framover på spleisen til forskningsprosjektet. Det vil nok ta nokre dagar før vi har oversikt ov alt som er kome inn av kontantar, bankgiro og Vipps, så det kjem vi att på med ei eiga sak.
Flotte deltakarmedaljer til alle – tommelen opp for Fillip som har viser fram si medalje. Foto Jon Olav Ørsal
Familien Haugen/Nergård, med Mikkel i spissen var på plass på Bordholmen – Kaja og Johan som deltakarar i Todalscupen, medan mor Merete var med som trenar. Mikkel, pappa Robert og Mathias var tilskuarar og heiagjeng. Dei var der for å promotere salet av armband og startnummer til løpet.
På pallen – i herreklassen – Emil Ansnes, Lars Bakken Røen og Per Egil Heggset
Mikkel og familie kom på besøk for å promotere innsamlingsaksjonen som pågår. Frå venstre Mathias (4), Robert, Johan (9), Mikkel (2), Merete, Kaja (8), Ingvild (Ræta Opp) og Endre (Leiar i TIL). Foto Jon Olav Ørsal
Heilt til slutt har vi laga eit galleri frå Ræta opp, der vi legg ut over 40 bilder der dei aller fleste løparane er knipsa når dei passerer Halset bru – sjå om du vart med på bilde her – alle foto Ane Kårvatn Moen
